فيديو طريقة عمل الدجاج المقرمش على طريقة كنتاكي

عن فيديو طريقة عمل الدجاج المقرمش على طريقة كنتاكي من شهية أهلا وسهلا فيكم بمطبخ شهية. وصفة اليوم هي الدجاج المقرمش على طريقة كنتاكي. وصفة رائعة جدًا ومحبوبة بدون
منازع. لتحضير الدجاج منحتاج: ١٢ قطعة دجاج بالجلد منقوعة بالخل والملح زيت نباتي للقلي لتحضير الخليط الجاف منحتاج: كوب دقيق ابيض ملعقة صغيرة ملح ملعقة صغيرة فلفل اسود ملعقة كبيرة بودرة الثوم ملعقة كبيرة بودرة البصل ملعقتين صغار بابريكا ملعقتين صغار كركم لتحضير الخليط السايل منحتاج: بيضة كوب حليب يلا نحضرها: منبدا بتحضير خلطة تغليف الدجاج. للخليط الجاف منحتاج كيس لحفظ الطعام. منوضع بالكيس الدقيق، بودرة الثوم، الكركم، البابريكا، الملح، الفلفل وبودرة البصل. منسكر الكيس ومنخضه بهالطريقة لينخلطوا بشكل جيد. للخليط السايل، بوعاء منكسر البيض ومنخفقه مع رشة ملح ومنضيف الحليب. منغمس قطعة الدجاج بالخليط السايل من كل الجوانب، منرجع منوضعا بكيس الخليط الجاف ومنخض الكيس بهالشكل لتتغلف قطعة الدجاج بالكامل. منوضها على صينية. بعد ما ننتهي من تغليف كل قطع الدجاج منغطي الصينية بفوطة مطبخ منوضعها بالتلاجة ومنترك الدجاج حتى يرتاح. بس تجف قشرة التغليف على الدجاج بيكون صار جاهز للقلي. هيدي خطوة أساسية لنحصل على دجاج مقرمش. منحمي الزيت بقدر على النار. لنعرف أنه صار جاهز للقلي منسقط قطعة صغيرة من الدجاج بالزيت، إذا طافت على سطح الزيت يعني صار فينا نبدا بالقلي. منقلي قطع الدجاج لحوالى ١٠ دقايق من كل جهة حتى تستوي ويصير لونها ذهبي. منصفّي قطع الدجاج من الزيت ومنقدّمها ساخنة.